BANSALAN, Davao del Sur - USA ka state funeral service ug full tribute service sa kasundalohan ang gidalit ngadto sa lubong sa usa ka Bayan Awardee nga si Salinta Monon niadtong Mayo 20, 2022 sa Viacrusis Park.
Ang tribute service gipangunahan sa 10th Infantry Division, 1002nd Brigade, 39th Infantry Battalion, ug ubang mga unit.
Usa ka Bagobo-Tagabawa sa Barangay Bitaug, Bansalan, Davao del Sur si Salinta Monon nga gikan sa mga iladong kaliwat nga hawod sa paghimo ug pagtahi og tela.
Gihatagan kini og state funeral service isip pag-ila sa iyang nahimong kontribusyon sa kultura.
Nakadawat og award si Salinta Monon niadtong 1998 gikan sa National Living Treasure Awards pinaagi sa Proclamation 1076 nga pirmado ni Presidente Rodrigo Duterte. (PR)