Bangis nga mobangon ang Gilas Pilipinas human kini napakyas paglangkat og gold medal sa 31st Southeast Asian Games sa Hanoi, Vietnam.
Mismong si Indonesia coach Rajko Toroman ang nipadayag niini human niya naagak ang Indonesians sa makapakurat nga kadaugan batok sa Gilas, 85-81, sa finals sa men’s basketball event niadtong Mayo 22, 2022.
Mao kini ang nagputol sa 13 ka sunodsunod nga mga titulo nga nahipos sa Pilipinas sa men’s basketball.
Ang Serbian nga si Toroman nakasuweto sa kapasidad sa Pinoyng mga basketbolista gumikan kay siya maoy labing unang coach nga gikuha sa Samahang Basketbol ng Pilipinas (SBO) alang sa Gilas program sa sayong bahin sa 2000s.
“One loss doesn’t mean that the program is not good,” pasabot ni Toroman. “I think that one loss doesn’t mean that it’s the end of the world. They’re one of the best national teams in Asia.”
Matod ni Toroman nga wala naporma sa Gilas ang posibleng labing lig-ong puwersa niini gumikan kay wala sila si Dwight Ramos, Kai Sotto, ug naturalized center Ange Kouame sa managlahing mga rason.