Katorse ka aktibong trainees sa Area Vocational Rehabilitation Center (AVRC) II ning-apil sa Young Deaf Summit 2022 nga giorganisar sa deaf leader-advocates.
Ang kalihukan nagdala og tema: “Planning a Positive Post-Pandemic Future.”
Kini ubos sa pag-abag sa De La Salle-College of Saint Benilde School of Deaf Education and Applied Studies (DLS-CSB SDEAS).
Kapin sa 100 grade 10–12 deaf students gikan sa tibuok Pilipinas ang ning-apil sa summit, diin naglakip sa 14 ka aktibong trainees sa AVRC II.
Sukad sa 2019, ang AVRC II ug ang DLS-CSB SDEAS ning-apil sa promusyon alang sa mga katungod ug kaayohan sa mga tawo nga dunay kabilinggan sa pandungog.
Ang duha ka adlaw nga komperensiya naglakip sa serye sa pagtuki ug pagsinati sa pagpaambit sa ilang katakos nga gigamit human sa panahon sa lockdowns sa pandemiya sa Covid-19.
Ang lockdown ug community quarantines nakaapekto sa social ug emotional well-being, lakip sa persons with disabilities (PWDs). Ang mga mamumulong ningpaambit sa ilang kalamposan ug nihatag og tips kon unsaon sa pagsagang ug pagpakabuhi panahon sa pandemiya.
Si Nicole Marie Magpayo, Goldbell Financial Services Singapore assistant administration ug relationship manager, namulong hahin sa iyang kasinatian isip lider sa usa ka langyaw nga nasod, samtang si Iigo Alfonso Asilo, 7-Eleven general manager ug franchisee, nipaambit sa iyang kalamposan sa negosyo.
Ang aktibong trainees gikan sa AVRC II nakakuha og bililhong pagtulun-an, labi na sa career preparation ug pagkab-ot sa ilang tumong taliwala sa daghang hagit.
Ang AVRC II usa ka vocational center sa Department of Social Welfare and Development (DSWD) nga nagtanyag sa mga kurso sa commercial arts and crafts, massage therapy, dress and apparel technology, commercial cooking, consumer electronics, housekeeping, furniture and cabinet making, computer technology, ug basic cosmetology. (PR)