Gipaubos sa lima ka adlaw nga pagbansaybansay ang mga opisyal sa Bureau of Customs (BOC) ug ubang law enforcement agencies sa mga eksperto gikan sa United States Customs and Border Protection (CBP) sa Dusit Thani, Lapu-Lapu City aron dili makalusot ang mga ginadili sa Pilipinas.
Ang mga top intelligence ug enforcement officers sa BOC, uban sa mga high ranking officials sa Bureau of Immigration, Philippine National Police, Philippine Coast Guard ug Cebu Port Authority gipaubos sa training gikan niadtong Mayo 16 hangtod Mayo 20.
Sila si CBP Attaché Pete R. Acosta ug Regional Advisor Ransom J. Avilla sa US Department of State-Export Control and Border Security Program
maoy nangulo aron mapun-an ang kaalam sa mga Pinoy uban sa mga guest speakers nga silang Gerard Bradley, Mabel Peña ug Imtiaz Ishahak.
Gihangop ni BOC Port of Cebu District Collector Charlito Martin R. Mendoza ang delegasyon ug partisipante gikan sa US kinsa nitumbok nga kinahanglan nga adunay kanunay nga update, review ug pag-improve sa operations pinaagi sa ilang pag-share sa international knowledge ug capacity building.
“To do our job well, we need all the help we can get. And this week, we are getting one of the world’s best.,” padayag ni Mendoza.
Ang gipahigayon nga theoritical training naghisgot sa open-source targeting, behavioral analysis, imposter detection, analysis of travel and cargo documents, examination of vessels, containers and seals, seaport safety, post-seizure analysis, weapons of mass effect, human trafficking ug forced labor aron pagpahugot sa seguridad sa pwerto.