Giaprobahan sa Senado niadtong Lunes, Mayo 23, 2022 sa katapusang pagbasa ang balaudnon nga nagtinguha sa tibuok kinabuhi nga balido sa birth, death ug marriage certificates nga giisyu ug gi-authenticate sa Philippine Statistics Authority (PSA) ug sa gisundan niini, ang National Statistics Office (NSO).

Uban sa 21 ka affirmative votes, walay negatibo nga boto ug abstention, giaprobahan sa Senado ang Senate Bill (SBN) 2450, usa ka balaudnon nga naghatag og permanenteng balido sa mga sertipiko sa live birth, kamatayon, ug kaminyuon nga giisyu, gipirmahan, gi-certify, o gi-authenticate sa PSA , NSO ug mga local civil registries, ingon man ang mga taho sa pagkatawo, kamatayon, ug kaminyuon nga narehistro ug giisyu sa Philippine Foreign Service Posts.

Basta ang dokumento magpabilin nga wala maunsa, mabasa, ug makita gihapon nga adunay mga bahin sa pagkatinuod ug seguridad.

Gihangop ni Senate committee on Civil Service, Government Reorganization and Professional Regulation chairman Senador Ramon Revilla Jr. ang pagpasar sa maong balaudnon.

“Mr. President (Senate President Vicente Sotto III), with this piece of legislation, we have clear and categorically provide the permanent validity of the civil registry documents regardless of the date of issuance,” matod ni Revilla sa iyang manifestation atol sa plenary session. (TPM sa SunStar Philippines)