PADAYON ang pag-ubos sa ihap sa bag-ong mga kaso sa coronavirus disease-2019 (Covid-19) sa Cagayan de Oro human nakatala ang dakbayan og 24 nga kaso.
Matud sa City Health Office, sa 24 nga mga bag-ong kaso, duha ang mga returning overseas Filipinos (ROFs) ug 22 ang mga local transmisisons.
Sa 22 nga mga bag-ong lokal nga mga kaso, 17 ang mga local index nga mga kaso, usa ang local case with link, tulo ang mga authorized persons outside residence (Apors), ug usa ang Apor with link.
Ang Cagayan de Oro adunay 1,629 active cases, 247 niini na-admit sa Northern Mindanao Medical Center ug uban pang mga ospital sa syudad, 1,297 ang mga outpatient ug 85 ang mga ROFs/LSIs.
Nakatala usab og 184 ka mga pasyente nga nakarekober sa sakit. Anaa na karon sa 22,877 ang ihap sa mga nakarekober sa dakbayan.
Ang ihap sa mga namatay sa Covid-19 sa syudad naa sa 912.