Gilas naa'y bag-o nga atubangon

Human sila napakyas pagsakmit og gold medal sa bag-uhay lang nahuman nga 31st Southeast Asian Games sa Hanoi, Vietnam, mibalising na ang pagtutok sa team sa umaabot nga 3rd window sa 2023 Fiba World Cup Asian qualifiers ug 2022 Fiba Asia Cup.

Apan ang dakong pangutana, kinsa na kaha ang mga molangkob sa national team?

Gituohang mausab na sab ang lineup sa Gilas gumikan kay mosugod na ang Season 47 sa Philippine Basketball Association (PBA).

Human sa ilang kampanya sa SEA Games, nagkanayon si national coach Chot Reyes nga nagkinahanglan og taas nga preparasiyon ang Gilas hilabi na kay mas malisod nga mga tahas ang nag-atang sa team sa umaabot.

Gikataho nga mokombati og duha ka tune-up games ang Gilas batok sa Korea sa sunod buwan.

Mismong ang bag-ong coach sa Korea nga si Choo Il-seung ang nibutyag niini.

Ang Samahang Basketbol ng Pilipinas (SBP), nga maoy basketball governing body sa Pilipinas, wala pa mohatag og komentaryo kabahin niini.

Sa laing bahin, wala pa mohatag og komentaryo ang SBP kabahin sa makapakurat nga kapildihan sa Gilas batok sa Indonesia, 85-81, sa gold medal game sa SEA Games.

Labing seguro, nagplano pa ang SBP kon unsa’y angay buhaton niini kabahin sa Gilas program.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph