Ban batok sa poultry products gilugwayan

  WAY PETSA: Way tukmang petsa nga gitakda ang Probinsiya sa Sugbo kalabot sa paglibkas unya sa pag-ban sa mga poultry products nga mosulod sa Sugbo. / SunStar file photo
WAY PETSA: Way tukmang petsa nga gitakda ang Probinsiya sa Sugbo kalabot sa paglibkas unya sa pag-ban sa mga poultry products nga mosulod sa Sugbo. / SunStar file photo

Laing kamanduan ang giluwatan ni Cebu Governor Gwendolyn Garcia sa nagpadayong pag-ban sa mga poultry products ug wild birds gikan sa Luzon ug Mindanao ingon man sa ubang bahin sa nasud nga adunay kaso sa Highly Pathogenic Avian Influenza (HPAI) o mas naila nga bird flu.

Sa Executive Order No. 14 ni Garcia nga giluwatan sa Mayo 23, 2022, gipatuman ang pag-ban aron sa pagsiguro nga mapanalipdan ang poultry industry sa Sugbo.

“The Province of Cebu remain free of the Avian Influenza virus and the recent AI outbreaks in from provinces in Luzon and Mindanao continue to pose a threat to the P12 billion poultry industry of Cebu,” mabasa sa kamandoan.

Unang niluwat ang gobernador og kamanduan sa pag ban sa live poultry ug wild birds sa Abril 9 sulod sa 45 ka adlaw.

Apan niining bag-ong kamanduan, way tukmang petsa gibutang kon kanus-a mapupos ang pagpatuman sa ban.

Gipasabot ni Dr. Mary Rose Vincoy, pangulo sa Provincial Veterinary Office, nga walay adlaw o petsa kon kanus-a kutob ang ban gumikan kay hangtod karon nagpadayon ang pagsaka sa mga kaso sa bird flu sa ubang mga probinsya.

“Since there are still cases sa outbreak sa AI sa other provinces in Luzon and some areas in Mindanao so we opted not to put days na lang kay wala man ta kabalo kanus-a mahuman ang outbreak. But we continue to require the necessary documents from those areas coming from areas sa Visayas nga not affected sa AI,” pahibawo ni Vincoy.

Nalakip sa padayong gi-ban ang day-old chicks, day-old pullets, ready-to-lay pullets, ducks, quails, game fowls, pigeons ug pet birds gikan sa mga apektadong lugar.

Hinuon gitugot ang pag-transport sa mga naasoy basta makapresentar sa insaktong dokumento sama sa negative laboratory test batok sa AI, certification gikan sa provincial veterinary sa probinsiya sa Sugbo ug sa point of origin pagsiguro nga bird flu free ang gigikanan niini.

Ang mga poultry meat products gitugot lang sa pagsulod sa probinsiya kon dunay Meat Inspection Certificate gikan sa kagamhanan alang sa domestic poultry meat samtang alang sa imported poultry meat, gikinahanglan usab ang Certificate of Meat Inspection ug veterinary shipping permit.

Subay niini, giawhag ni Garcia ang tanang lokal nga kagamhanan sa probinsiya ingon man ang mga mayor sa matag siyudad nga istriktong ipatuman ang naasoyng mando lakip na ang mga barangay animal health aides nga moabag sa pag-monitor ug pagpatuman sa lagda.

Gimandoan usab ni Garcia ang kapulisan, Coast Guard, Cebu Ports Authority, ug Mactan-Cebu International Airport (MCIA) pagpatuman sa lagda.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph