Heat, Celtics magbinuakay sa tabla

Daog. Pilde. Daog. Pilde.

Nanghinaot ang Miami Heat nga magpadayon kining maong pattern sa ilang pag-host sa Boston Celtics sa Game 5 sa Eastern Conference finals series sa National Basketball Association (NBA) 2021-22 season sugod karong alas 8:30 sa buntag, Mayo 26, 2022 (RP time).

Ang Heat ni-rally sa 2nd half aron dag-on ang Game 1. Ang Celtics ningpabulhot sa ilang opensa sa 1st half aron bawsan ang Heat sa Game 2. Nangitnit og sayo ang opensa sa Heat aron dag-on ang Game 3. Nagbangis ang Celtics aron angkunon ang Game 4.

Dili kahibulngan nga natabla ang series ning puntoha gumikan kay ang Heat ug Celtics mao ang top two teams sa Eastern Conference human sa regular season.

“It’s not surprising,” batbat ni Boston coach Ime Udoka. “Two teams that are always going to fight, not really beat themselves, give themselves a chance.”

Sa kasaysayan sa NBA, ang modaog sa Game 5 sa tabla nga series mao ang kanunay nga molampos. (AP)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph