Pulis gidid-an nga magbinayot

Hepe sa kapulisan sa probinsya sa Sugbo miawhag sa iyang mga personnel nga likayan ang pag TikTok nga magbinayot nga nakasul-ob pa sa ilang uniporme human usa ka pulis sa probinsya sa Lanao del Sur gipakasohan sa Camp Crame tungod sa iyang gihimo niini sa social media.

Mipagawas karon og kamandoan ang Camp Crame nga ipaubos sa pre-charge investigation ug pasakaan sa kasong administratiba ang usa ka pulis nga sakop sa Lanao del Sur Police Provincial Office human nag viral ang iyang Tiktok nga nag binayot nga nag sul-ob pa sa uniporme niini.

Ang gipaubos sa imbestigasyon mao si Police Patrolman Algabid Said Marohomsalic human nag binayot sa Tiktok.

Tungod sa maong insidente, si Police Colonel Engelbert Soriano, hepe sa Cebu Provincial Police Office (CPPO), ngkanayon nga nakauyon siya sa direktiba sa Camp Crame nga kasohan ang mga police personnel nga nag himog Tiktok nga dili maayo tan-awon.

Alang niya naghatag kinig bati nga imahin sa kapulisan ug pagpaka uwaw kini sa uniporme sa Philippine National Police nga alang kanila kinahanglan nga respetohon sa mga naa sa serbisyo.

Dugang ni Soriano nga wala pa siyay na-monitor sa iyang mga sakop sa probinsya sa Sugbo nga naghimo niini apan matod niya nga siya mismo niawhag sa iyang mga sakop nga dili mag sayawsayaw diha sa Tiktok.

Giangkon sa CPPO director nga duna silay banda sa kampo apan wala silay dance troupe nga giumol diin ang mga pulis maoy mosayaw samtang aduna silay mga kalihukan sanglit hugot niya kining gidili.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph