Ang hiniusang Congress committee nga nagsilbing National Board of Canvassers (NBOC) nideklarar na kagahapon, Mayo 25, pasado alas 5:00 sa hapon nga mananaog nga tandem, si Ferdinand “Bongbong” Marcos, Jr. isip presidente ug Davao City Mayor Sara Duterte-Carpio isip bise presidente.
Si Marcos nikuha og 31,629,783 ka botos o 58.77 percent sa total votes, samtang si Duterte nikuha og 32,208,417 ka botos o 61.53 percent basi sa final tally sa joint Congress committee.
“I hereby proclaim Ferdinand Marcos Jr. as the duly elected President of the Philippines and Sara Zimmerman Duterte-Carpio as the duly elected vice president of the Philippines,” matod ni Senate Pres. Vicente Sotto III ug House Speaker Lord Allan Velasco atol sa joint session.
Si Robredo nikuha lang og 15,035,773 ka botos o 27.94 percent sa total votes na-tally.
Si Marcos Jr., anak ni anhing Pres. Ferdinand Marcos, Sr., nakasilbi isip vice-governor sa Ilocos Norte sa 1980 hangtod sa Marso 23, 1983 ug governor sa 1998 hangtod sa 2007.
Napili nga Ilocos Norte second district representative sa 2007 hangtod sa Hunyo 2010. Gikan sa 2010 hangtod sa 2016 isip Senador.
Dugang detalye mabasa sa www.sunstar.com.ph. (TPM, SunStar Philippines)