WALAY bag-ong kaso sa Covid-19 sa Cagayan de Oro, sumala sa report sa City Health Office.

Wala pud bag-ong patay nga natala sa siyudad, matud ni City Health Office medical officer Dr. Teodoro Yu Jr.

Sa pagkakaron, nagpabiling 25,860 ang kinatibuk-ang ihap sa Covid-19 nga mga kaso sa Cagayan de Oro ug 941 ang ihap sa namatay sa Covid-19 sa syudad.

Ang Cagayan de Oro nakatala usab og pag-ubos sa ihap sa mga aktibo nga kaso.

Aduna nay upat ka mga aktibo nga kaso karon ang dakbayan, pulos mga outpatients.

Anaa na karon sa 24,915 ang ihap sa mga nakarekober nga mga kaso sa dakbayan.