SIKOP sa kapulisan sa Baliok Police Station ang usa ka notadong mangunguot sa mga depasaherong dyip nga taga Agdao District, Davao City.
Sa report sa Davao City Police Office (DCPO), nadakpan ang usa ka Ronel (bansagon gitago), 31-anyos, ug residente sa Barangay Lapulapu, Agdao District ning siyudad.
Una niini, usa ka nursing student ang mi-report sa kapulisan sa gihimo sa suspek samtang nagsakay og dyip.
Modus sa suspek nga taparan ang mga pasahero, moduot-duot ug manguot diin itabon niini ang iyang bag.
Sa gihimong follow-up operation sa kapulisan sa Baliok police, nadakpan ang suspek ug positibo nga gitudlo sa mga testigo.
Nakuha sa posisyon sa dinakpan ang usa ka Iphone 11 nga mobalor sa P34,000.
Gikasohan na ang suspek didto sa korte kinsa anaa karon gibalhog sa selda sa Baliok police.