Suspek sa pagpatay sa usa ka biyuda sa lungsod sa San Fernando niadtong Miyerkules, Mayo 26, 2022, nadakpan sa kapulisan sa mga alas 5 sa Biyernes sa hapon, Mayo 27.

Ang suspek giila ni Police Major Efren dela Cruz Diaz Jr., hepe sa kapulisan sa lungsod, nga si Larry Lantape Sabellano, 37, dunay kapuyo, nanginabuhi sa sand and gravel, taga Purok Moringa, sityo Cogon, Brgy. Greenhills, San Fernando.

Matod ni Diaz nga si Sabellano giila sa usa ka saksi nga nakakita niya sa paghimo sa krimen busa iya dayong gipahigayon ang hot pursuit operation uban sa iyang mga sakop.

Niadtong Huwebes sa alas 11 pasado sa buntag, nakaplagan ang lawas ni Diomedesa Lapera Gedaro, 27, sa Brgy. Greenhills nga dunay nilaslasan sa liog nga hapit na maputol.

Gawas sa paglaslas, gihulog pa kini sa pangpang.

Gituohan sa kapulisan nga gitulis si Gedaro kay nawala ang iyang bag nga gidala.

Nagtuo sila sa sinugdan pa nga nakaila si Gedaro sa tulisan hinungdan nga siya gipatay.

Suds a police station, si Sabellano gitudlo sa mga saksi nga maoy nihimo sa krimen.