Si President-elect Ferdinand “Bongbong” Marcos Jr. nagkanayon sa Huwebes, Mayo 26, 2022, nga iyang ipatigbabaw ang katungod sa nasod sa giilogang mga isla sa West Philippine Sea (South China Sea).
Matod ni Marcos Jr., ang kagamhanan mopadayon sa pagpakigsabotsabot tali sa China “with a firm” nga tingog bahin sa maong isyu.
Matod niya nga dili siya makatugot nga dunay bisan ‘single square millimeter’ sa teritoryo sa nasod ang mawala.
Dugang ni Marcos, Jr, “Our sovereignty is sacred and we will not compromise it in any way.”
“We have a very important ruling in our favor and we will use it to continue to assert our territorial rights. It is not a claim. It is already our territorial right,” dason niya.
Sa Hulyo 12, 2016, ang Permanent Court of Arbitration sa The Hague, Netherlands nihukom pabor sa Pilipinas ug nagsalikway sa pangangkon sa China nga ilang ang maong dapit.
Gipatunhay usab ang tradisyonal ug legitimate fishing rights sa mga mangingisda nga Filipino sa dapit apan ang China wala motahod sa maong hukom.(SunStar Philippines)