Usa ka 36 anyos nga construction worker nga temporaryong gawasnon, gipadakop og balik sa korte kya wala motuman sa tulumaon isip probationary.

Si Aris Avilla, 36, taga Barangay Poblacion, Ibabao sa lungsod sa Loay, Bohol gidakop sa Huwebes, Mayo 26, tungod sa bench warrant nga giluwatan ni Judge Samuel Biliran sa Branch 50 sa Regional Trial Court (RTC) sa Loay.

Si Police Captain Geronimo Cornacom, hepe sa kapulisan sa Loay, maoy nangulo sa pagdakop kang Avila.

Matud ni Police Staff Sergeant Donald Curan, duty investigator sa Loay Police Station, gidakop si Avilla human way pagpakabana sa pagtuman sa iyang tulumanon sa pag-adto sa korte.

Dugang ni Curan nga niadtong Pebrero 14, 2021, nadesisyonan ang kaso ni Villa sa kalapasan sa Section 5 ug 11 Article 2 sa Republic Act (RA) 9165 o Comprehensive Dangerous Drugs of 2002.