Gibaatan ang nawong, gigapos ang mga kamot sa usa ka lalaki nga gituohang gi-salvage sa mga alas 2:30 sa kaadlawon Sabado, Mayo 28, sa Paseo Begonia, Purok 7, Brgy. Sacsac, lungsod sa Consolacion, amihanang Sugbo.

Si Police Staff Sgt. Ritchie Gelliran, imbestigador sa Consolacion Police Station nga nahinabi sa Superbalita Cebu, nagkanayon nga wala pa nila mailhi ang biktima, kinsa gibana-banang naa sa 40 anyos ang pangedaron.

Apan tataw nga “gi-salvage” ang biktima ug gilabay lang sa nahisgutang lugar, dugang ni Gelliran.

Ang mga residente sa lugar nakadungog og duha ka mga sipang buto sa armas sa mga alas 2:30 sa Sabado sa kaadlawon ug sa mga alas 4:30 sa kaadlawon, nakaplagan ang lawas sa lalaki sa mga nangagi.

Duna kini samad pinusilan sa agtang ug likod sa ulo samtang gitaptapan ang nawong og duct tape ug gigapos og wire ang mga kamot.

Dunay mga patik sa lawas.