Pasidunggan sa Philippine Olympic Committee (POC) ang Filipino medalists sa miaging 31st Southeast Asian Games sa Hanoi, Vietnam sa umaabot niining general assembly sa Knights Templar Hotel sa Tagaytay City.
Atol sa kalihukan, ianunsyo sab sa POC ang pag-release sa pinansyal nga insentibo sa mga atleta nga nakahatag og dungog sa nasod gikan sa matag duha ka mga tuig nga kompetisyon.
Gawas niini, opisyal sab nga dawaton sa POC ang Samahang Kickboxing ng Pilipinas ug Philippine Esports Organization isip regular nga mga miyembro sa ahensya, matod ni POC president Abraham “Bambol” Tolentino.
“Tops on the agenda is honoring our Filipino athletes who competed strongly in the Vietnam SEA Games,” batbat ni Tolentino nga napatik sa www.gmanews.tv.
“The country may have relinquished the overall championship, but our athletes were a ‘fighting team’ in Vietnam.”
Sa kinatibuk-an, ang Pilipinas nakahakot og 52 gold, 70 silver ug 105 bronze medals, labing taas nga naabot sa nasod sukad masukad sa mga edisyon nga gipahigayon sa laing nasod.