Ang Cebu Provincial Disaster Risk Reduction and Management Office (PDRRMO) niayo ug gipalambo ang ilang Early Warning System (EWS) isip pagpangandam sa posibling pagbaha ug pagdahili sa yuta ning panahon na sa ting-uwan.
Si PDRRMO spokesperson Wilson Ramos niasoy sa SunStar Cebu nga ang EWS sa probinsiya gi-upgrade ug giayo labina kadtong nadaut sa pag-igo sa miaging bagyong Odette.
"We are still assessing some areas because after Odette daghan areas naka-experience og movement sa soil and liquefaction,” matod ni Ramos.
Bisan pa niini, si Ramos nagkanayon nga sila nag-monitor sa lalawigan sulod sa 24 oras sa semana ug sila kanunay nangandam matag bunok sa uwan.
Matod niya, ang local government units (LGUs) kanunay nga gipahinumdoman sa pagpangandam usab sa ilang DRRMOs.
“Trainings and other capability building for our responders are being conducted regularly by our DRRMOs,” matod niya.
Ang Philippine Atmospheric, Geophysical, and Astronomical Services Administration (Pagasa) opisyal nga nideklarar sa pagsulod na sa panahon sa ting-uwan sa nasod niadtong Mayo 18, 2022.