Ang Sun Savings Bank nikuha og dugang P100 million loan sa state-owned Land Bank of the Philippines (Landbank) aron pag-abag sa public school teachers sa Cebu Province aron pagtukod ug pag-ayo sa ilang kabalayan nga nadaut o naguba sa miaging bagyong Odette ug pagsuporta sa edukasyon sa ilang mga anak sa kolehiyo.
Ang loan signing ceremony tali sa Sun Savings Bank ug Landbank gipahigayon sa Casino Español de Cebu sa dakbayan sa Sugbo niadtong Biyernes, Mayo 27, 2022.
Nitambong sa kalihokan mao ang Sun Savings president and chief executive officer Francisco Dizon, Sun Savings executive vice president and treasurer Augusto Gonzalez, Landbank senior vice president ug head sa Visayas lending group Elsie Fe Tagupa ug Landbank vice president ug pangu sa Cebu South Lending Center Allan Bisnar.
“The reason we borrow from Landbank is to continue with our effort to assist teachers in rebuilding their homes that were damaged by (typhoon) Odette,” matod ni Dizon.
“It’s also going to be the start of another school year and a good number of teachers have children who are going to college... So we anticipate that the teachers will be needing funds again for the college tuition expenses of their children,” dugang ni Dizon.
Si Dizon niawhag sa public school teachers sa pagkuha sa bag-o, dugang loans, labina nga ang Department of Education (DepEd) nilugway sa loan re-payment terms alang sa mga magtutudlo ngadto sa lima ka tuig gikan sa kanhi three-year timeline.
Dugang niya nga ang mga magtutudlo makahulam og dugang pundo tungod sa negatibong epekto sa kita human ang DepEd nitugot sa paglugway sa five-year repayment scheme alang sa mga loan sa mga magtutudlo.
Usa ka magtutudlo makakuha sa bag-ong loan nga magkantidad ngadto sa P300,000 ug makahimo pa gihapon sa ilang take home pay nga P5,000 nga mando sa DepEd.
Ang utang i-deduct sa DepEd gikan sa teachers’ payslips pinaagi sa department’s automatic payroll deduction system (APDS) diin ang Sun Savings Bank usa sa accredited banks sulod na sa 10 ka tuig.
“We want to assist the teachers with their urgent financing requirements now that the DepEd has allowed us to lend for a longer term of five years, whereas before, we were limited to three years,” matod ni Dizon.
Niadtong Marso 2022, ang Sun Savings nagsugod sa pagtanyag og dako nga kantidad sa loan o pautang ug lima ka tuig ang termino, isip usa sa frontrunners nga nagsilbi sa naasoy nga market segment.
Si Augusto Gonzalez, Sun Savings Bank treasurer, nagkanayon nga ang banko mobayad sa ilang loan sa Landbank base sa quarterly installment basis ngadto sa lima ka tuig.
Matod ni Gonzalez, ang dugang P100 million loan nga gitugotan sa Landbank, diin ang kinatibuk-ang kantidad sa iyang credit facility ngadto sa Sun Savings niabot na karon og P300 million. Kini usa ka pag-ila sa lig-ong financial position ug creditworthiness sa Sun Savings Bank.
Sukad sa Marso 1, ang Sun Savings nakapautang na ngadto sa 3,800 teacher-borrowers sa Cebu Province ubos sa bag-ong year term.