Napildi nga kandidato sa pagka mayor sa lungsod sa Pinamungajan sa habagatang-kasadpan sa lalawigan sa Sugbo mipasaka og petisyon sa Regional Trial Court sa dakbayan sa Toledo alang sa pag-usab sa pag-ihap sa mga balota sa resulta sa eleksyon sa Mayo 9, 2022, tungod sa giingong electoral fraud.
“This petition hopes to prove that indeed electoral fraud has become complicated using automation as the tool to thwart the will of the people,” matod ni Salipada “Liplip” Cerna sa iyang electoral protest sa Mayo 19, 2022 nga gipadala sa Superbalita kagahapon, Mayo 29, 2022.
Si Cerna gusto nga ideklarar nga mananaug mao kadtong molabaw sa pag-usab og ihap sa boto batok kang Mayor-elect Jecjec Baricuatro, asawa ni incumbent Pinamungajan Mayor Glenn Baricuatro.
Samtang, si Mayor Baricuatro nitahod sa katungod ni Cerna sa pagpasaka og protesta, apan nihulagway sa mga alegasyon batok sa iyang asawa nga way klaro.
“We believe we won in an honest and fair election. The Comelec and teachers and all who served during the elections were successful in preserving the sanctity of the ballots,” matod ni Mayor Baricuatro nga nahinabi sa SunStar Cebu.
“We will answer these allegations and protestations judiciously,” dason ni Mayor Baricuatro.
Ang panag-ilog sa pagka mayor sa Pinamungajan usa ka two-cornered fight tali sa Promdi nga si Cerna ug One Cebu Party nga si Baricuatro.
Si Cerna napildi og 1,964 ka botos tali kang Baricuatro human nakuha og 19,343 ka boto batok sa 21,307 sa naulahi.
Si incumbent Mayor Baricuatro nidagan sa pagka bise mayor ug nipukan sa running mate ni Cerna nga si Jun Yapha.
Ang petisyon ni Cerna gipasaka sud sa 19 ka adlaw human ang Municipal Board of Canvassers of Pinamungajan niproklamar kang Jecjec Baricuatro nga mananaug.
Ang korte gihangyo ni Cerna sa pagbaliwala sa proklamasyon ni Baricuatro.,
Si Cerna nikuwestiyon sa tanang 73 clustered precincts.
“Aside from the massive ubiquitous vote buying, harassment, and employment of high-handed tactics such as arresting the key leaders of the Protestant and depriving them of their rights to vote, the vot(e) counting machine is being used to deprive the Municipality of Pinamungajan of the rightful Mayor to lead the municipality,” matod ni Cerna.
“They voted for Liplip Cerna but on the voter receipt, the one that appeared is Jecjec Baricuatro. They complained to the Board of Election inspector but only told that such technical problems would only be recorded in the minutes of the voting,” dugang sa iyang pamahayag.
Naka-attach sa reklamo mao ang 21 judicial affidavits nga nagrepresentar sa nagkalainlaing barangay bahin sa misreadings sa VCM.
Si Cerna mitumbok nga “... no incidence of rejected ballots happened on Election Day in Pinamungajan. No election return was recorded as rejected. However, the Municipal Certificate of Canvass noted a total of 1,946 ballots were rejected.”
“These are massive votes automatically deducted by the vot(e) counting machine on its own and would greatly affect the outcome of the elections. Speculations may surmise automated fraud. But presumably, the one who benefits from this scheme is the administration candidates. And the only way to uncover it is by opening the ballots through revision,” dason niya.
Sa pagdetermianr sa usa ka factual basis, si Cerna nipetisyon sa revision sa pasiunang unom ka barangays, Poblacion, Binabag, Tupas, Camugao, Sibago, ug Anopog.