Patay ang usa ka construction worker nga natagak sa dagat ug nakuryentihan sa iyang gigamit nga electric portable grinder sa pagtrabaho sa Carmen wharf sa Barangay Poblacion, lungsod sa Carmen, alas 11:00 sa buntag sa Miyerkulis, Hunyo 1.

Si Severino Pacania Tabay, 38, ulitawo, laborer sa Fluss Krebs Contractors ug taga Barangay Campo 4, dakbayan sa Talisay, dead-on-arrival (DOA) sa tambalanan sa Carmen.

Si Major Eric Gingoyon, hepe sa Carmen Police Station, niingon nga ang biktima naggamit sa electric portable grinder sa ilang pagtrabaho sa wharf expansion.

Nawad-an kini og balanse ug nagtagak sa dagat uban sa electric grinder hinungdan nakuryentihan.

Ang kapulisan way nakita nga foul play sa kamatayon sa biktima.