Kasong pagpangabuso sa kababayen-an sa CV miubos

Nitibugsok pag ayo ang mga kaso sa violence against women and children (VAWC) ning tuiga, sigun sa taho sa Police Regional Office (PRO) 7.

Ang PRO 7 nipahibawo nga sulod sa unom ka buwan sa 2022, niubos og 64.44 porsiyento ang mga kaso sa VAWC kon itandi kini sa samang mga buwan sa miaging tuig.

Sa data sa Women and Children’s Protection Desk (WCPD) 7, nagpakita nga nakatala lang sila og 629 ka mga kaso sa VAWC subay sa report sa tanang police stations sa rehiyon.

Dako kini nga pag-ubos itandi sa 1,769 nga natala nga VAWC sa susamang panahon sa 2021.

Si Police Brigadier General Roque Eduardo Vega, hepe sa PRO 7, nihangop sa maong kalamboan.

Matod niya nga nagbunga ang ilang subsob nga kampanya sa pag-edukar sa katawhan nga likayan ang domestic violence ug ang gipatuman nga community development program sa PRO-7.

“The strict implementation of laws against women and children resulted in fewer cases in Central Visayas this year. In collaboration with our local government units, our policewomen at the Women and Children’s Protection Desks engaged in community development programs to address issues on gender equality and discuss women empowerment, especially in the provinces,” matod ni Vega.

Samtang sa pagpatuman sa kahusay ug kalinaw sa rehiyon, nakatala ang kapulisan og 52.82 percent nga Crime Solution Efficiency (CSE) ug 97.83 percent nga Crime Clearance Efficiency.

Ang nanguna nga police office sa CSE mao ang Cebu City Police Office (CCPO) nga adunay 78.17 percent.

Gisundan kini sa Mandaue City Police Office (MCPO) nga adunay 70.37 percent ug ikatulo ang Cebu Police Provincial Office (CPPO) nga nakakuhag 55.29 percent.

Sa Crime Clearance Efficiency, nag-una ang Siquijor Police Provincial Office, MCPO ug CCPO nga adunay tag 100 percent.

Gisundan sila sa CPPO nga adunay 99.61 percent samtang 99.09 percent ang Bohol Police Provincial Office (BPPO).

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph