Ipahigayon sa National Museum of the Philippines ang inagurasiyon ni Incoming President Ferdinand “Bongbong” Marcos Jr.
Sa usa ka pamahayag, si Zenaida Angping, kinsa gitudlo ni Marcos isip iyang Presidential Management Staff, niingon nga ang National Museum of the Philippines giila nga “angay nga lugar” human sa pagpahigayon sa inspeksiyon.
“The National Museum of Philippines building and its surrounding areas match our requirements for President-elect Marcos’ inauguration,” matod ni Angping.
“Preparations are already in full swing to ensure that it will be ready by then,” dugang niya.
Lakip sa mga kanhi Presidente nga nikuha sa ilang venue mao sila si Manuel Quezon, Jose Laurel ug Manuel Roxas.
Matod ni Angping nga ila usab nga gikonsiderar ang pagpahigayon sa inagurasiyon sa Quirino Grandstand diin nanumpa ang kanhi diktador nga si Ferdinand Marcos Sr. apan nasuta nga gigamit pa kini isip Covid-19 field hospitals.
“The safety and welfare of our people are paramount. As such, we chose to avoid disrupting the medical care being given to the Covid-19 patients housed there. That’s why we opted for the National Museum as the venue,” matod niya.
Si Marcos Jr. giproklamar isip ika-19 nga Presidente sa Pilipinas niadtong Mayo 25 human sa landslide nga kadaugan batok sa iyang mga kaatbang. (TPM sa SunStar Philippines)