15 ka LGUs sa Cebu gipasidunggan

Kinsi ka local government units (LGUs) sa probinsya sa Sugbo gipasidunggan sa Department of the Interior and Local Government (DILG) nga nakakuha ug nakapasar sa Good Financial Housekeeping sa Calendar Year 2021.

Sa mga siyudad nalakip niini ang dakbayan sa Carcar, Danao, Naga ug Talisay samtang sa mga lungsod nalakip ang Catmon, Cordova, Liloan, Madridejos, Medellin, Moalboal, Ronda, San Fernando, Santa Fe, Santander ug Tabuelan.

Kini nagpasabot nga nakapasar ang usa ka lokal nga kagamhanan sa mga sangkap sa Seal of Good Local Governance (SGLG) nga magsukod sa tin-aw nga pagtaho sa usa ka LGU mahitungod sa pinansiyal nga mga kalihokan niini.

Ang lungsod sa Cordova nipadayag sa ilang kalipay sa pagkab-ot sa maong pasidungog ug nagpasalamat usab kini sa kahago sa mga nitabang sa kagamhanan aron mapaabot ang limpyo ug hapsay nga dagan sa panudlanan ug sa paggasto sa pundo.

“Nakapasar ang lokal nga pangagamhanan sa Cordova pinaagi sa pagtinabangay sa nagkadaiyang departamento sa lungsod ubos sa pagdumala ni Mayor Cho Teche Sitoy,”saysay sa LGU Cordova.

Lakip usab sa mipaabot sa iyang pasalamat si San Fernando Mayor Lakambini “Neneth” Reluya sa tanang mga empleyado sa munisipyo.

“Thanks to our Department Heads and Local Government Unit Employees for the dedication and hard work,” matod ni Reluya sa Hunyo 3, 2022.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph