Miinsister si Gilas Pilipinas program director Chot Reyes nga wala mosugod sa sinugdanan ang national team human kini napakyas paglangkat og gold medal sa miaging 31st Southeast Asian Games sa Hanoi, Vietnam.

Mao kini ang gipabuhagay ni Reyes sa interbyu sa Power and Play, nga radio program sa kanhi Philippine Basketball Association (PBA) commissioner nga si Noli Eala.

“Hindi naman back to square one. We put the program together and I thought coach Tab Baldwin was doing a good job,” pasabot ni Reyes nga napatik sa Spin.ph.

“Ang problema, nagkaroon ng balakid and obstacles and he stepped down and we were left with very little to work with. Hindi naman back to square one.”

Sa pagbiya ni Baldwin, si Reyes maoy migiya sa Gilas sa Hanoi Games diin gipakaging ang Gilas sa Indonesia sa inilugay og gold medal nga panagsangka.

Niturok ang ideya nga mibalik sa uno ang Gilas gumikan kay mokuha kini og collegiate stars alang sa preparasyon niini sa third window sa 2023 Fiba World Cup Asian qualifiers ug 2022 Fiba Asia Cup sa Indonesia.

Ning maong mga tahas, si Reyes mikanaog isip coach sa Gilas ug nagtutok isip Gilas program director. Ang mogiya nsa Gilas mao si coach Nenad Vucinic, kanhi assistant coach sa national squad.

“Remember, as program director, my job is to put a program together, not only for 2023 but also for the future of Philippine basketball so that tuloy-tuloy na and even when we’re no longer here, the program continues,” dugang ni Reyes.

Mihangyo si Reyes sa Samahang Basketbol ng Pilipinas (SBP) nga inaton ang pasensya niini samtang mosuway sila pagbangon gikan sa pagkapandol sa SEA Games.

Matod ni Reyes nga usa sa mga nakahatag kanila og problema mao ang pagduwa sa batan-ong dekalidad nga mga basketbolista sa liga sa ubang mga nasod.

“We just want to inform everyone to understand how difficult the process is. Nung binubuo natin yung programa, walang Japan, Taiwan, and Korean leagues and walang COVID-19 noon,” pasabot ni Reyes.

“But all of these things happened and now, we’re trying to deal with those realities. We will put together the best team possible for August 2023.”