Timaan sa pagbangutan sa kamatayon ni Police Staff Sergeant Careby-Clyde Alinsug, sakop sa Drug Enforcement Unit sa Consolacion Police Station ang bandera sa kampo sa Cebu Police Provincial Office ang gi-half-mast.
Nasayran base sa Republic Act 8491 o mas naila nga ‘Flag and Heraldic Code of the Philippines’ ang bandera itaod katunga lang sa kinatibuk-ang gitas-on sa flag pole sinyales sa kasub-anan sa kamatayon sa usa ka opisiyal sa kagamhanan. Ang maong bandera magpabiling naka half-mast sud sa 10 ka adlaw.
Sa sayo pa si Alinsug napatay sa usa ka drug personality atol sa gilusad nga case build up batok sa Barangay Casili, Consolacion niadtong Dominggo sa gabii, Hunyo 5, 2022.
Gipahibawo ni Police Colonel Engelbert Soriano, hepe sa kapulisan sa lalawigan sa Sugbo nga mihatag silag balor P50,000 nga financial assistance sa pamilya sa namatay gawas sa madawat niini nga kapin sa P700,000 gikan sa Public Safety Mutual-Benefit Fund Incorporated sanglit namatay ang maong pulis “in the line of duty.”