Makatabang unta kang Nonito Donaire Jr. ang iyang amahan nga si Nonito Sr. aron iyang mapilde sa ilang rematch si Japanese star Naoya Inoue.
Kini ang panahom sa beteranong boxing analyst nga si Atty. Ed Tolentino diin ang 39 anyos nga si Donaire gi-knockout ni Inoue sa second round atol sa ilang away sa Super Arena sa Saitama, Japan niadtong Martes.
Matod ni Tolentino nga kon anaa pa ang iyang amahan nga usa ka ilado nga boxing trainer nga maoy nagiya sa sayong bahin sa career sa iyang anak, dako unta kini og gikatabang.
Gawas sa iyang amahan, adunay laing mga trainer nga nagdumala kang Donaire ug apil na niini ang iyang asawa nga si Rachel kinsa maoy iyang gilista isip trainer sa iyang away batok kang Inoue.
“There were many trainers who handled Donaire, and of course lately, Rachel was the one listed as his trainer. The father is different in my opinion. I was surprised to not even see his shadow in the corner. I was looking for at least for the father to be there,” paghulagway ni Atty. Ed Tolentino sa interbyu sa GMA 7.
“I thought the father would have done well because they were the tandem from the beginning. When the legend of the Filipino Flash was being molded, it was the father who did the molding. It would have been good for him to be there,” dugang sa veteran analyst sa samang interbyu.
Si Donaire Sr. maoy coach sa iyang anak dihang una kining niaway kang Inoue niadtong 2019.
Bisan sila napilde, apan gihulagway nga napalabwan ni Donaire ang huna-huna sa mga tawo dihang iyang gihatagan og igo nga kombati ang Hapon nga gihulagway nga maoy usa sa labing lisod nga naagiang away ni Inoue ug gikonsiderar pa nga fight of the year.
Human niadto, si Rachel na ang nagbansaybansay sa iyang bana ug nigiya kang Donaire aron subli kining mahimong world champion nga gibituonan sa duha ka sunodsunod nga mga kadaugan.
Apan kumbisido gihapon si Tolentino nga makahatag kini og husto nga kumbati kon nagpabilin ang iyang papa.
“Rachel did her work, she made Nonito a champion again, but the father was the one who molded Nonito when he was still clay. It cannot be bad for him to be there especially now that every fight could be his last,” litaniya ni Tolentino.
“It would have been good if as he tiptoes his way to possible retirement, they are all there. Would have it made a difference? We do not know because Inoue’s performance was overwhelming,” dugang niya.
Human sa kapildehan ni Donaire, nitumaw ang mga pangagpas ug panahom sa mga fans nga sa iyang edad, angay na siyang moretiro sa pagpamoksing.
Apan si Donaire niingon nga duna pa siyay igong ikabuga sa boksing. Ang iyang kapildehan, matod niya, nagagumikan sa iyang wala pagsunod sa ilang game plan.
Matod ni Donaire nga kon nisunod pa siya sa ilang game plan, di ingon niadto ang iyang inawayan.
Niangkon siyang nadala siya sa emosiyon hinungdan nga iyang gisabayan si Inoue.
Sa pagkakaron, si Donaire wa pay planong moretiro.