Mga motorsiklo makaagi na sa CCLEX sugod sa Hulyo 1

Magsugod na ang Cebu Cordova Link Expressway (CCLEX) sa pagpaagi sa mga motorsiklo nga dunay displacement sa makina nga 125cc hangtod sa 399cc sugod sa Hulyo 1, 2022.

Ang Cebu Cordova Link Expressway Corporation (CCLEC), nga maoy nagdumala sa ikatulong taytayan sa Sugbo paingon sa Mactan Island, niluwat ning mao nga pamahayag sa Sabado sa buntag, Hunyo 11, 2022. Nag post usab sila sa social media.

Apan ang mga opisyal sa CCLEC niingon nga motugot ra sila mga drayber sa motorsiklo nga mosulod sa bag-ong taytayan basta sila nakarehistro ug nakapainstalar sa radio frequency identification (RFID) nga mga sticker sa ilang units alang sa cashless nga pagbayad sa mga toll booth sa tulay.

Gipahibawo usab sa tagdumala nga ang rehistrasiyon sa RFID ug pag-instalar sa mga motorsiklo o kadtong ang mga sakyanan nga giklasipikar ubos sa Class 1M himuon nga libre sugod Hulyo 1.

Mga drayber sa motorsiklo nga gustong mo-avail sa libreng RFID registration ug pag-instalar gikinahanglan nga moadto sa CCLEX website, magpili og petsa ug usa ka dapit alang instalasiyon ug pagkuha og usa ka QR code nga ipakita sa drayber sa installers uban sa ilang official receipt (OR) ug certificate of registration (CR) sa sakyanan nga giisyu sa Land Transportation Office (LTO).

PARTIAL CASHLESS

Ang CCLEC hinayhinay nga nibalhin gikan sa pure nga cash sa transaksiyon sa ilang toll plaza ngadto sa sagol nga cashless sa di pa hingpit nga mopatuman sa electronic toll collection (ETC) system.

Sugod sa Hulyo 1, pipila ka toll booth adunay cash payment lanes samtang ang uban ma-convert na ngadto sa RFID-enabled lanes.

Ang paglusad sa app para sa CCLEX RFID load ug reloading himuon sa dili pa ang toll lane conversion.

Sa pagkakaron, ang CCLEX padayon nga nag-instalar sa RFID stickers sa Class 1 hangtod 3 nga mga sakyanan alang sa pag activate sa electronic nga pagbayad.

BIKERS, PEDESTRIAN

Sa bahin sa mga biker ug pedestrian, tugotan sila nga makaagi sa CCLEX sugod sunod buwan pinaagi sa gipahinungod nga mga sidewalk lane nga nahimutang sa matag habig sa expressway nga libre.

Para sa dugang nga mga detalye, i-update pinaagi sa pagsunod sa opisyal nga Facebook page sa CCLEX @CCLEXexpressway.

ARON LUWAS

Kon mogamit sa expressway, ang CCLEC nagpahinumdom sa mga motorista nga magmaneho sa labing kusog nga 60 kph.

Samtang ang CCLEX gidisenyo alang sa pinakataas nga gikusgon nga 80 kph, ang CCLEC nagpatuman og 60kph nga limit atol sa mga inisyal nga operasyon ingon nga bahin sa mga lakang sa kaluwasan.

Gihangyo usab ang mga motorista nga dili mohunong sa bisan asang dapit sa maong dapit sa tibuok nga bahin sa pasilidad.

Alang niadtong nagbayad og toll nga cash, sila gitambagan nga mag-andam sa eksaktong kantidad sa ibayad.(gikan sa PR)