Naghari ang TNT Tropang Giga batok Terrafirma, 21-15, sa Leg 4 sa PBA 3x3 Third Conference kagahapon didto sa Ynares Center.

Si Samboy De Leon maoy nangulo sa Tropang Giga ngadto sa kadaogan. Midaog ang TNT og P100,000 nga nahimong unang team nga midaog og duha ka sunodsunod nga titulo sa karon nga conference.

Mao pud kini ang ikatulo nga titulo sa TNT karon nga conference, sila ang naghari sa Leg 1, 3 ug 4. Ang Meralco maoy midaog sa Leg 2.

“We didn’t think it that way, na gusto namin yung back-to-back, na tawagin kaming back-to-back champions. It doesn’t really matter. Kasi ang pinagta-trabahuhan namin alam naman nating lahat yung grand finals, di ba,” matod ni TNT coach Mau Belen sa artikulo sa Spin.Ph

“This is definitely a momentum-builder. Probably their confidence now has skyrocketed, kasi di ba three championships in four legs. Hats off to my players. They worked hard. They trust me, they trust Ranidel (De Ocampo), properly followed their recovery routine, and just really, everyone wants to win,” dugang niini.

Ang second placer nga Terrafirma mibulsa og P50,000.

Gikuha sa San Miguel ang third place human gilupig ang Limitless App, 21-17.