Misyon sa Celtics pugngan si Curry

 MISYON: Gipabuhagay sa Boston Celtics nga mas hugot ug mas pisikal ang ilang ipahamtang nga depensa ngadto kang Golden State Warriors superstar Stephen Curry ug mao kini ang ilang misyon sugod sa Game 5 hangtod mahuman ang NBA Finals series. / AP PHOTO
MISYON: Gipabuhagay sa Boston Celtics nga mas hugot ug mas pisikal ang ilang ipahamtang nga depensa ngadto kang Golden State Warriors superstar Stephen Curry ug mao kini ang ilang misyon sugod sa Game 5 hangtod mahuman ang NBA Finals series. / AP PHOTO

Sa ilang pag-asdang og balik sa Chase Center sa San Francisco karong alas 9:00 sa buntag, Hunyo 14, 2022 (RP time), alang sa Game 5 sa 2021-22 National Basketball Association (NBA) Finals, ang Boston Celtics determinadong motuman sa usa ka misyon – pugngan si Stephen Curry kutob sa ilang mahimo.

Si Curry, kinsa usa ka two-time MVP, nagpakatap og 43 puntos aron pangulohan ang 107-97 nga kadaugan sa Golden State Warriors sa Game 4 nga maoy nagtabla sa best-of-sevens series, 2-2.

Kon buot huna-hunaon, grabe na ka hugot ang depensa sa Celtics ngadto kang Curry ning maong series apan ilang nasuta nga kinahanglan nilang mas pahugtan ang ilang depensa gumikan kay talagsaon ang abilidad ni Curry.

“Steph Curry is pretty good, if you guys haven’t noticed. He can shoot the ball unbelievably,” matod ni Boston guard Jaylen Brown.

“Even watching it, playing against it and even in the finals, I feel like he’s taking it up a notch a little bit. He had a hell of a performance in Game 4, and we have to respond to that.”

Si Brown maoy gitahasan og maayo ni Celtics coach Ime Udoka nga modepensa kang Curry apan ning higayuna, modugang og laing mga magduduwa si Udoka aron makaayuda kang Brown ning maong malisod nga tahas.

Giklaro ni Udoka nga mas pisikal nga depensa ang ilang ipahamtang ngadto kang Curry ug kanunay nga adunay magdikit niini sa halfcourt pa lang.

“Obviously, the range extends the floor some. Some of the shots that he’s hitting are only shots that he can hit and have been highly contested,” pasabot ni Udoka. “He’s hit a few of those.” / AP

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph