41 ka BP2P beneficiaries nakauli

PAMILYA: Ang upat ka mga pamilya nga benepisaryo sa BP2P sa ilang pag-abot sa Mactan Cebu International Airport niadtong Hunyo 2, 2022. / Tampo
PAMILYA: Ang upat ka mga pamilya nga benepisaryo sa BP2P sa ilang pag-abot sa Mactan Cebu International Airport niadtong Hunyo 2, 2022. / Tampo

Dili mominos 41 ka mga indibiduwal ang nangabot sa Cebu ug Bohol gikan sa Metro Manila niadtong Hunyo 2, 2022, pinaagi sa Balik Probinsya, Bagong Pag-asa Program (BP2P) nga gipatuman sa Department of Social Welfare and Development (DSWD), usa ka programa nga gitumong sa pagluag sa komunidad sa urban poor sa metropolis ug pagpadala kanila sa balik sa ilang probinsiya.

Human sa duha ka tuig sa global pandemic, ang vulnerable families wala pa naulian sa epekto sa Covid-19 nga nakapasamot sa ilang sitwasyon human nawad-an og trabaho, walay tino nga panginabuhoan ug risgo nga matakboyan sa sakit.

Ang pagbalik sa mga pamilya kabahin kini sa ikaduhang hugna sa returnees sukad sa miaging tuig gikan sa Manila.

Usa ka representate sa National Housing Authority (NHA) ug Department of Agriculture (DA), uban sa DSWD Field Office VII, ninghangop sa ilang pag-abot sa wala pa mobiyahe sa ilang pinal nga destinasyon nga komunidad ngadto sa mga dakbayan sa Sugbo, Bogo ug lungsod sa Tabuelan.

Ang DSWD nitabang sa pagdumala sa ilang pagbiyahe, transitory cash assistance aron dunay pundo nga magamit sa pamilya ug livelihood grants aron makasugod sa negosyo nga ilang panginabuhian.

Sa iyang welcome message, si Assistant Regional Director for Administration Antonio R. Dolaota nipaambit sa kalipay sa mga pamilya nga mabalik sa ilang dapit.

“We, at DSWD, are very happy to serve you with assistance from the national government,” martod ni Dolaota.

Gawas sa pagpauli, ang nakauli nga pamilya nakadawat og agribusiness kit gikan sa agriculture department isip giya sa paghatag og kaseguroan sa ilang pagkaon ug agricultural productivity.

Ang hingtungdan nga lokal nga kagamhanan nihangop usab sa pag-abot sa mga pamilya balik sa ilang dapit.

Ang representative gikan sa Tabuelan LGU nipahibawo nga kabahin sa ilang reintegration program, ang mga sakop sa pamilya ipa-enroll sa mga pagbansay ubos sa Tabuelan Center alang sa health ug wellness.

Sa pagtapos sa 2022, ang Balik Probinsya, Bagong Pag-asa Program (BP2P) gilauman nga makasuporta sa dili mominos 200 ka mga pamilya. (PR)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph