Subay sa kasaulogan karong Dominggo sa Adlaw sa mga Amahan tan-awa kon kinsa ang mga celebrity daddy sa Philippine showbiz ang dunay pinakadaghan og anak. Ug sa liboan ka mga tatay ug single parent nga bisan sa kalisdanan walay kukahadlok nga nibarug sa ilang responsibilidad isip haligi sa panimalay, among pagsaludo kaninyo. Daghang salamat sa mga sakripisyo. Happy Father’s Day!

Lou Salvador Sr., 102 ang anak / Photo: ALCHETRON, GENI.COM

Dihang namatay ang basketball player ug stage actor nga si Lou Salvador Sr. sa edad nga 67 niadtong Marso 1973, ang iyang 102 ka mga anak (from as many as 49 women) nag-reunion sa iyang haya. Lakip sa iyang mga sikat nga anak mao silang Phillip Salvador (papa ni Joshua Aquino), Juan Miguel Salvador (papa ni Janella Salvador), Ross Rival (papa ni Maja Salvador), Alona Alegre, Leroy Salvador, Mina Aragon, ug Lou Salvador, Jr. (James Dean of the Phils). / Source: gmanetwork.com

Ramon Revilla Sr., 72 / JOLO_REVILLA IG

Si Rowena Bautista-Mendiola sa 2008 interbyu niingon nga 45 kabuok ang anak sa iyang papa. Apan niadtong November 2011, ang tigpamaba ni Bong Revilla nga si Portia Ilagan nitug-an nga mokabat sa 72 ang anak tanan ni Revilla Sr. gikan sa 16 ka mga babaye. Ang mga anak sa legendary actor naglakip nilang Marlon, Rowena, Bong, Princess, Strike, Andrea, Regene Anne, Ragelyn, Ram Joshua, ug Ramgen. / Source: Pep.ph

Dolphy, 18 / STARCINEMA

Ang King of Comedy dunay 18 ka mga anak sa unom ka mga lainlaing babaye: duha niini kang ZsaZsa Padilla nga silang Zia ug ang sinagup nilang si Nicole; usa kang Alma Moreno nga si Vandolph; unom kang Engracia Dominguez; upat kang Gloria Smith; upat kang Pamela Ponti nga naglakip ni Eric Quizon, ug usa kang Evangeline Tagulao. / Source: Wikipedia

Jeric Raval, 18 / FACEBOOK

Si Jeric Raval dunay tulo ka mga anak sa kanhi aktres nga si Monica Herrera, lima sa lain niyang pamilya ug upat sa iyang legal wife nga si Holiday Buensuceso. Duna sab siyay anak sa New York ug usa sa Japan. Lakip sa 18 ka mga anak ni Jeric ang sexy star nga si AJ Raval nga nidako sa poder ni Holiday. Ang 47-anyos nga aktor duna na say 10 ka mga apo. / Source: Pep.ph

Joey Marquez, 16 / FACEBOOK

Bisan lainlain ang inahan sa iyang mga anak apan puros ni nagka-inilhanay. Ang pangan sa 16 ka mga anak ni Marquez gikan sa kinamaguwangan paingon sa kinamanghuran mao silang JJ, Jeremy, Jesm, Kristine, Jerica, Jerico, Paolo, Jowee Ann, Yeoj, Winwyn, Zia, Vitto, MM, Jazalla, Jacob, ug Joeygy. / Source: gmanetwork.com

Jay Manalo, 12 / IMDB.COM

Si Jay Manalo dunay 12 ka mga anak sa unom ka managlahing mga babaye. Lima niini sa iyang non-showbiz wife karon nga si Raizza ug laing duha sa iyang kanhi schoolmate nga si Maribel de Guzman. Ang 49-anyos nga aktor duna na say mga apo. / Source: Pep.ph

Joseph Estrada, 12 / FACEBOOK

Si kanhi presidente Joseph Estrada dunay tulo ka mga anak sa iyang asawang si Dr. Loi Ejercito nga silang senador Jinggoy Estrada, Jacqueline, ug Jude. Samtang ang iyang mga anak sa gawas naglakip nilang Joel Eduardo ug Teresita (with Peachy Osorio); Sen. JV Ejercito (with Guia Gomez); Jerika, Jake, and Jacob (with Laarni Enriquez); ug Jose Mari (with Joy Melendrez). Giingong duna say anak si Erap nga babaye kang Mary Ann Murphy ug lalaking anak sa flight attendant nga si “Larena.” / Source: Pep.ph

Christopher de Leon, 10 / FACEBOOK

Ang beteranong aktor dunay lima ka mga anak kang Nora Aunor ug laing lima sa iyang asawa karon nga si Sandy Andolong. Apan usa ray ilang biological child ni Nora nga si Ian del Leon. Ang upat mga sinagup nga silang Matet, Lotlot, Kenneth, ug Kiko. Na-annul ang kasal ni Christopher ug Nora niadtong 1996. / Source: gmanetwork.com