USA ka 25-anyos nga taga Boulevard, Davao City nga dunay warrant of arrest sa kasong lugos ang nadakpan sa hiniusang puwersa sa awtoridad didto sa Candelaria Street, Barangay 76-A, Ecoland, Davao City.
Tingkagol sa selda sa Ecoland Police Station ang suspek nga si Alberto (bansagon gitago), residente sa Purok 7, Barangay 23-C, Isla Verde, Davao City, kinsa gikonsiderang most wanted person sa station level.
Nasikop si Olores sa hiniusang puwersa sa Sta. Ana Police Station, 1st Davao del Norte Provicial Mobile Force Company, 2nd Mobile Company Regional Mobile Force Company ug sa Regional Maritime Unit-Davao Region.
Dala sa awtoridad ang warrant of arrest batok sa suspek sa kasong rape, diin gipahibalo kini sa iyang mga katungod una gidakop.
Ning kasamtangan, ang dinakpan gibalhog na sa selda sa Ecoland police samtang naghulat sa sunod mando sa korte labot sa iyang kaso.