Kapulisan sa siyudad sa Sugbo magdaginot sa paggamit sa ilang gasolina human nisaka na pag-ayo ang presyo sa mga produktong petrolyo.
Mga personnel nga nadestino sa Mobile Patrol gimandoan nga pagngon ang makina kon naka-park ug menusan na ang pag gamit sa aircon.
Sulod lang ning buwana nisaka pa pag-ayo ang balor sa petrolyo diin hapit na maabot sa P100 ang matag litro niini.
Matod ni Police Lieutenant Colonel Janette Rafter, deputy director for operations sa Cebu City Police Office (CCPO), nga nipagawas na silag kamandoan sa tanang station commanders lakip na sa mga personnel nga nadestino sa Mobile Patrol nga kon nakaestambay lang sa usa ka lugar ang sakyanan, pawngon ang makina niini.
“I-off gyud ang engine while ga standby sa ilang mga respective beat and let our policeman to go out with their respective patrol cars. It is an additional visibility pud sa atong katawhan diha sa kadalanan,” matod ni Rafter.