Ang Octa Research group nipahayag sa Martes, 14, 2022, nga nagsaka ang gidaghanon sa mga kaso sa coronavirus disease (Covid-19) sa Metro Manila, matod ni Dr. Guido David.
Si David nagkanayon nga ang daily Covid-19 cases sa ulohang dapit sa nasod posible nga moabot pa og 400 ngadto sa 500 sa pagtapos sa buwan sa Hunyo 2022.
Dugang ni David, ang positivity rate sa Metro Manila nitubo og 2.7 percent sukad sa miaging semana, samtang ang reproductive rate nisaka og 1.59 percent.
Matod ni David, ang mga dakbayan sa Quezon, Makati, Manila ug Parañaque mao ang nag-unang nakatampo sa pagtubo sa kaso sa Covid-19 sa rehiyon.
“At this time, nasa low risk pa tayo sa Metro Manila, pero by next week, we are projecting nasa moderate risk na tayo,” dugang ni David atol sa Laging Handa public briefing sa Martes, Hunyo 14.
“‘Yung current situation natin hindi pa naman sya nangangahulugan na magtataas tayo ng alert level but this is a possibility within the next few weeks. Of course, decision yan ng Department Health and Inter-Agency Task Force,” dason niya.
Taliwala sa posible nga pagtaas sa Covid-19 cases sa nasod, si David niawhag sa tanan nga responsable sa pagpanalipod sa kaugalingon batok sa virus pinaagi sa pagsunod sa minimum health protocols, labi na sa pagsul-ob og face masks lakip sa pagmintinar sa physical distancing.
Dason niya nga ang pagpaminos sa kapasidad sa transportasiyon makatabang sa pagsanta sa pagkuyanap sa sakit.
“I-hold off muna ang pagbabalik ng mga tao. Sa June 15, balita ko, maraming work-from-home ang babalik na sa onsite yung work. Baka pwede i-reconsider rito ng offices para at least mabawasan ang capacity sa office,” dugang niya.
“(For face-to-face classes) ’yung timing kasi na mejo tumataas ang cases. Kung August magsisimula ang classes, I am expecting by that time tapos na ‘yung possible surge na nakikita natin ngayon. Pero kung mga June na sila mag-start baka pwede at least i-push back nila mga one month or so, that is my personal suggestion. If hindi naman, we should have proper protocols in place para sa mga studyante natin,” dason niya.
Niadtong Lunes, Hunyo 13, ang Department of Health (DOH) nitaho nga 386 ka bag-ong mga kaso sa Covid-19, labing taas nga daily Covid-19 cases sulod sa miaging duha ka buwan. (SunStar Philippines / AP)