MITAAS ang ihap sa mga aktibo nga mga kaso sa coronavirus disease (Covid-19) sa dakbayan sa Cagayan de Oro.
Anaa sa 14 ang aktibo nga mga kaso ang dakbayan. Nakatala usab ang syudad og lima ka mga bag-ong kaso ug walay natalang mga bag-ong Covid-related death.
Sa maong lima ka mga bag-ong kaso, duha ang mga lokal nga index nga mga kaso, usa ang local case with link, ug duha ang mga persons deprived of liberty (PDLs).
Ang kinatibuk-ang ihap sa mga kumpirmadong kaso sa Covid-19 sa dakbayan anaa na sa 25,883. Ang ihap sa mga namatay sa Covid-19 sa syudad nagpabilin pud nga anaa na sa 941.
Ang Cagayan de Oro adunay 14 ka aktibo nga mga kaso, 11 niini mga outpatients ug tulo ang mga returning overseas Filipinos/locally stranded individuals (ROFs/LSIs).
Anaa na karon sa 24,928 ang ihap sa mga nakarekober nga mga kaso sa dakbayan.