Taas kaayo ang tumong: Mahibalik sa labing taas sa NBA.
Karon nga ila nang nakab-ot ang tungason nga tahas, ang NBA champion Golden State Warriors duna nay bag-ong target: magpabiling kampeyon sa pipila ka mga tuig.
Wa pa gani maupos ug napawong ang mga tabako human sa ilang pagkakampeyon sa National Basketball Association (NBA) sa tugkaran sa Boston Celtics, wa pa mahurot ang katapusang botelya sa Moet & Chandon, ang topic—magpabilin kahang kampeyon ang Warriors sa sunod season—mao nay gihisgutan.
Gibutang sila sa FanDuel Sportsbook nga maoy mga paborito nga modaug sa 2023 NBA title, ug ang Finals MVP nga si Stephen Curry, Klay Thompson ug Draymond Green nga nahibalik na, di hinanggaw kon maghuna-huna nga tinuod nga ilang maangkon ang ikalimang championship sa siyam nila ka tuig.
“It still has not been proven, that when we’re whole, that anybody can stop it,” matod ni Green.
Kini tinuod, ug kini maoy hinungdan nga ang Warriors magpas-an sa kabug-at sa pagkapaborito sa sunod nga season.
Nasayod sila kon unsay buhaton; daghan sila og naangkong kampeyonato sa walo ka seasons—upat.
Ang katapusang nakahimo niini mao si Michael Jordan ug Chicago Bulls, unom ka kampeyonato ang ilang nadaug sa walo ka seasons sa 1990s.
Si Warriors coach Steve Kerr—karon nine-time champion-- tipik nga nakaduwa sa Bulls—nangu sa Golden State sa tanang upat ka mga titulo.
“They are all unique. They are all special,” matod ni Kerr. “I think this one may have been the most unlikely just from the standpoint of where we’ve been the last couple years. A lot of unknowns.”
Dunay mga pangutana.
Ang Warriors nitubag kanilang tanan. Ang core di pa kaayo tiguwang.
Nibalik si Thompson human sa kapin 900 ka adlaw nga wa makaduwa tungod sa mga angol.
Unya, si Curry di pa mapugngan sa tanang dagkong mga higayon.
“And we ain’t done,” matod ni Thompson atol sa podcast ni Green, The Draymond Green Show. “That’s the beautiful thing about it. We got these young bucks behind us and we got the same squad coming back? That’s scary for the NBA.” (AP)