ANAA na sa 24,933 ang kinatibuk-ang ihap sa nakarekober nga mga indibidwal nga nataptan sa coronavirus disease (Covid-19) sa Dakbayan sa Cagayan de Oro human nakatala og lima ka bag-ong nakarekober nga mga indibidwal.
Tulo ra ka bag-ong mga kaso sa Covid-19 ang natala sa Cagayan de Oro sumala sa report sa City Health Office ning dakbayan. Kini sila usa ka bakunadong 30-anyos nga lalaki, residente sa Barangay Gusa, usa bakunadong 29-anyos nga lalaki nga residente sa Barangay Canitaon, ug usa ka bakunadong lima ka anyos nga batang lalaki residente sa Barangay Puntod nga samtang naka-admit sa Northern Mindanao Medical Center.
Wala pud bag-ong patay nga natala sa siyudad, matud ni City Health Office medical officer Dr. Teodoro Yu Jr.
Ang Cagayan de Oro adunay 12 ka mga aktibo nga mga kaso, usa niini na-admit sa usa Northern Mindanao Medical Center, 10 ang mga outpatients ug usa ang ROF/LSI.
Ang ihap sa mga namatay sa Covid-19 sa syudad nagpabiling anaa sa 941.