Si Prince Joey Lee ug Cherry Andrin mao ang nanghawod sa Fitness Run 2022 didto sa Cebu City Sports Center kagahapon.

Gibingwit ni Lee ang men’s half-marathon title samtang si Andrin maoy midaog sa women’s half-marathon, nga adunay distanya nga 21 kilometros.

Ang gilupig ni Lee alang sa titulo mao ang Kenyan nga si Joseph Mururi ug ang miusbong nga si Mark Mahinay.

Ang mikuha sa ikaduha ug ikatulo nga pwesto sa 21K women’s mao sila Lizanne Abella ug Kay Cundangan.

Susama sa mga miaging lumba, wa gihapon kapugni si Jerome Casinillo ug Asia Paraase sa Spectrum Runners Club sa pagdominar sa ilang kategorya.

Si Casinillo midaog sa men’s 10-kilometer title samtang si Paraase maoy mikuha sa women’s 1OK nga titulo.

Anaa sa ikaduha nga pwesto si Florendo Lapiz samtang nakuha ni Refrenel Banzon ang ikatulo nga luna.

Ang mikuyog ni Paraase sa podium mao sila Icy Baldos ug Diamosa Acosro.