MIUBOS ang ihap sa mga aktibo nga mga kaso sa coronavirus disease (Covid-19) sa dakbayan sa Cagayan de Oro.
Anaa na sa 21 ang aktibo nga mga kaso ug pito ang mga natala nga mga bag-ong kaso sa dakbayan, tulo niini mga lokal nga index nga mga kaso, tulo ang mga authorized persons outside residence (Apors) ug usa returning overseas Filipino (ROF).
Matud ni City Health Office medical officer Dr. Teodoro Yu Jr., ang bag-ong index nga mga kaso gilangkuban sa usa ka 39-anyos nga lalaki nga residente sa Barangay Carmen, usa ka 32-anyos nga babae gikan sa Barangay Carmen, ug usa ka 85-anyos nga babae gikan sa Barangay Balulang.
Ang tulo ka mga Apors gilangkuban sa usa ka 26-anyos nga lalaki gikan sa Barangay Kauswagan, usa ka 23-anyos nga babae gikan sa Barangay Carmen, ug usa ka 34-anyos nga lalaki gikan sa Barangay Balulang.
Ang usa ka ROF usa ka 25-anyos nga lalaki gikan sa Barangay Bulua.
Ang tanan nga mga bag-ong kaso sa dakbayan nabakunahan na.
Ang kinatibuk-ang ihap sa mga kumpirmadong kaso sa Covid-19 sa dakbayan anaa na sa 25,902.
Ang Cagayan de Oro adunay 21 ka aktibo nga mga kaso, upat niini na-admit sa Northern Mindanao Medical Center ug uban pang mga ospital sa syudad, 14 ang mga outpatients ug tulo ang mga ROFs/LSIs.
Anaa na karon sa 24,940 ang ihap sa mga nakarekober nga mga kaso sa dakbayan.
Ang ihap sa mga namatay sa Covid-19 sa syudad nagpabilin nga naa sa 941.