SIYAM ka mga barangay sa Davao City ang nabutang sa low risk category sa Covid-19 base sa Barangay Classifications nga gipagawas sa City Government of Davao gikan Hunyo 27, 2022 hangtud Hulyo 2, 2022.
Ang siyam ka mga barangay mao ang mga barangay sa A. Angliongto, Sr., Bucana, Buhangin Proper, Bunawan Proper, Catalunan Grande, Matina Aplaya, Matina Pangi, V. Hizon, Sr. ug Wilfredo Aquino.
Samtang usa ka barangay ang anaa ubos sa Moderate risk nga mao ang Barangay Matina Crossing.
Padayon ang pagpahimangno sa City Government of Davao sa pagsuot pirmi og face mask, pagpabakuna, pagpa-booster batok Covid-19, ingon man ang paglikay sa mga lugar nga may kaso gawas na lamang kung ang rason may kalabutan sa trabaho, negosyo ug emerhensiya.