Nagpatay sa uyab priso

Hulagway gikan sa San Pedro Police Station
Hulagway gikan sa San Pedro Police Station

PATAY nang nakaplagan sud sa lawak sa usa sa mga lodging inn sa Davao City ang babaye human gituok sa iyang boyfriend nga misangko sa kamatayon sa biktima.

Hunyo 28, 2022, gahi nang napalgan ang biktima nga si alyas Melanie, 30-anyos, kinsa giingong nakiglalis sa boyfriend alas 11:35 sa gabii niadtong Hunyo 26, 2022.

Napugos na lang sa pag-abli ang tagdumala sa inn nga anaa nahimutang sa dalang Claro M. Recto, Davao City gumikan wala na nitubag sa telepono ang nasampit nga guest.

Didto, nakita nga wala nay kinabuhi ang biktima hinungdan nga nanawag na ang inn sa San Pedro Police Station.

Sa imbestigasyon sa Homicide Section sa San Pedro police, nasayran nga nasuko kaayo ang boyfriend sa biktima kay giingong na-cancel ang ilang kasal.

Ang biktima dunay mga lagom sa liog nga maoy indikasyon sa pagtuok niini sa suspek.

Human sa hitabo, gilayong misibat ang suspek nga si Melarry Gulaman, 35-anyos, taga Barangay Tacul, Magsaysay, Davao del Sur, apan nakonsensiya kini ug mitahan sa kaugalingon ngadto sa Magsaysay Municipal Police Station.

Kasamtangan ang suspek anaa na gikustodiya sa San Pedro Police Station human gi-turnover sa Magsaysay Municipal Police Station samtang ang patay nga lawas sa biktima anaa na sa lokal nga punerarya ning siyudad.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph