107 na ang aktibong kaso sa Covid-19 sa Davao City

SunStar File
SunStar File

DUNA nay kinatibuk-ang 107 aktibong kaso sa Covid-19 ang Davao City sukad Hunyo 28, 2022, base sa online Covid-19 tracker sa Department of Health (DOH).

Sumala sa DOH, ang nakompirma nga mga kaso gikan sa mga nasusi nga positibo sa RT-PCR sa laboratoryo nga gisertipikahan sa DOH-Research Institute for Tropical Medicine.

Gikan Hunyo 9 hangtud Hunyo 15, 2022, 54 ka aktibong mga kaso ang natala.

Niining panahona, ang siyudad dunay average nga 44 ka mga kaso matag 4-week moving average.

Gisulti ni Covid-19 Task Force spokesperson Dr. Michelle Schlosser sa paghinabi sa radyo nga ang dakbayan dunay average positivity rate nga 1 hangtud 1.15 porsiyento sukad Hunyo 29.

Kini mas ubos itandi sa 4.5 porsiyento nga positivity rate sukad Hunyo 26 base sa kaugalingong monitoring sa lokal nga panggamhanan. Kini naaghat sa 18 ka positibong mga kaso gikan sa 396 swab specimen nga nahiling niadtong Hunyo 26.

"There are a lot of questions na ginapangutana sa akoa na nagataas lagi daw ang National Capital Region but that does not necessarily mean na significant siya na naa ta’y surge because we can only say na nagataas gud siya na significant kung acceptable positivity rate," pagtin-aw ni Schlosser.

Namatikdan nga ang kasamtangan nga positivity rate sa siyudad nagtaas-ubos sulod sa threshold sa singko porsiyento, nga mao ang rate nga gikonsidera nga madawat o luwas pa.

Tungod ning mga kausaban, subling nagsulti ang Covid-19 Task Force ngadto sa publiko nga di mokompiyansa sa Covid-19 ug istrikto nga sundon ang nahabiling minimum public health protocols aron nga maseguro nga maprotektahan batok sa kagaw.

"We have to be very careful gihapon. Dili gyud ta maging lenient, dapat we should always put our guards," awhag niya.

Nagpasidaan si Schlosser sa publiko nga magsul-ob og face masks ug kanunay mag-update sa ilang bakuna batok Covid-19. (ICM/Uban sa taho sa CIO-Davao)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph