Talento: Sex stories (2)

HELLO, mga ka-Super B! Salamat kaayo sa inyong pagpanubay. Mora'g dugay'ng panahon na nga nabibo kaayo ang akong Facebook Messenger bah!!! Nalipay ako nga nahimong intersante kaninyo ang atong hisgotan APAN aduna gayud koy klaruhon kaninyo karon -- WALA KO NANGITA'G LAKI, KEKEH, BOYLET, FAFANG, UYAB, SUGAR DADDY UG UBAN PA... WALA PO MI NAG-SOLICIT O NANGITA'G KA-SEX, okey?

Sa sinugdan, niingon na baya ko nga "pagtuon" ang atong katuyoan. O, god, sama ninyo, lamian kaayo ko anang butanga kay dili man inosente ning inyong amiga. Intawon, dise otso ka tuig na ang milabay sa dihang migawas sa akong taguangkan ang akong anak pinaagi gayud sa "lagay" sa akong partner kaniadto. Dili gyud intawon to himala sama sa virgin birth. Pag-sure mo!

Apan sama sa natagam -- charrrr -- wa nako ning-utro, busa "uga" sa sulod sa kinse ka tuig ning flower nako. Naay buyog nga bag-ohay pa lamang ningtugpa apan tua, nilupad na ha ha!!! Bitaw, joke lang ha, basig mas modaghan ang gustong makigkita sa akoa. Usbon ko, pagtuon, pag-edukar ug pagpahungaw ra ning ato. Ayaw intawon ko panguyabi kay akong batasan ug hitsura daw tigre. Mamaak ko, madiii he he he!

O, didto na ta kaagi sa mga nainterbyu nako, mare. First si Mr. Uno (angga ra) kay siya may una nga nagpadayag sa iyang problemang sekswal kanako. Wa ko kasagang nga mao diay to among hisgotan, nagkinumustahay lang man unta mi sa dalan. Usa siya ka trabahante nga duha sa usa ka bulan lang tig-ulian sa pamilya. Sa edad nga 48; grabe pa daw ang kahinam niya nga "modyugdyug" (kana gud magdula'g panit dala kitkit) kang misis. Apan ang asawa daw sakyanan nga mag-"wiper" (balibad) na.

Sigon ni Madam, "sakit" naman daw ang ungaron iyang kinatawo, luodan na pud siya busa si Mr. Uno... daw nagsalimoang sa kadalan dala sa panghinaut nga naay mosugot magpagamit bisan iya na lamang bayran. Ka-relate mo? Ako dili he he kay matud pa ni Sir Raul Antopuesto, station manager sa DxGO Aksyon Radyo, mangtas ug matahaan daw ang dagway nako, ug posibleng "frigid" busa dili moduol kanako ang mga kekerooo. TRUE, di ba, X? Charr!

Dili baya ko sikolohista busa wa gyud ko nagtambag niya kay gawas nga mas tiguwang ug mas daghan siya'g eksperyensya nako; wa gyud pud koy solusyon sa iyang problema. Alangan ako mobikaka? Panabangan mo dinha! O, naminaw ra ko dala pasalamat sa pag-share niya sa maong istorya.

Gibiyaan na nako siya sa lugar diin nako siya nakita nga wa damha. Isip babaye; mora'g mali nga maminaw ko atong istoryaha, madiii, apan wa man ko nagdahom nga moingon siya niato kay kung atong timbangon... dili man unta ako iyang istoryahon gawas kung naa siyay laing katuyoan, tama?

Isip tigpaminaw, ato gayung bakusan (belt) ang atong mga kaugalingon kay basig madala kita kung hangyuon-AYAW aron dili magmahay sa mali nga butang bisan kini makalipay. Nagapadala pa'g mensahe kanako si Mr. Uno apan gi-block na nako. Wala bayay tentasyon nga dili lami busa unang buhaton mao ang pagpalayo niini, igsuon. Mogamit ug mosalig kita sa kaalam sa Ginoo kay mao kini hinagiban nato.

Kung kamo to, unsa may buhaton o tambag ninyo? Ipadala kanako ang inyong panghuna-huna sa majal_talento@yahoo.com aron atong matuki ug matun-an, igsuon. Ubay-ubay pa baya ning mga susama niini nga sitwasiyon atong saluhan puhon. Kung gusto pa ninyo kini nga hisgotanan magpadayon, ayaw sa mo pag-MOVE ON kay akoa ning "mub-on." #lavyu

Trending

No stories found.

Just in

No stories found.
logo
SunStar Publishing Inc.
www.sunstar.com.ph