Sugod niadtong Biyernes, Hulyo 1, 2022, gitugtan na sa management ang mga motorsiklo nga makaagi sa Cebu-Cordova Link Expressway (CCLEX) sa unang higayon.

Ang mga motorsiklo dunay kaugalingong lane nga gimarkahan og linya nga blue sa tuong habig sa duha ka mga side sa taytayan.

Ang mga motorsiklo nga 125cc-399 ubos sa kategoriyang Vehicle Class 1M nga dunay discounted rate nga P60. Nidawat pa sa pagkakaron og cash nga bayad ang CCLEX, apan tipik nang nagpatuman sa electronic collection.

Kadtong duna nay RFID sayon rang makaagi sa toll plaza, matod sa Cebu-Cordova Link Expressway Corporation (CCLEC). Gidasig ang mga motorista sa pagparehistro sa CCLEX website sa cclex.com.ph ug i-click ang REGISTER. (gikan sa PR)