Bag-ong nanumpa nga mayor sa lungsod sa Minglanilla nga si Mayor Rajiv Enad nibutyag nga iyang prayoridad sa administrasyon mao ang paghimo nga siyudad, bag-ong municipal hall ug ang pagtapos sa 100-hectare reclamation project.
Usa kini sa iyang gisaysay sa inaugural address sa Minglanilla Town Plaza niadtong Huwebes, Hunyo 30, 2022, nga mohimo og kasaysayan sa edukasyon lakip sa trabaho alang sa senior citizens.
Sa maong pamahayag sa mayor, ang Minglanilla maoy napuno sa unang duha ka mga lungsod nga naningkamot nga mahimong dakbayan sama sa Liloan ug Consolacion.
Ang 37-anyos nga abogado nagkanayon nga ang cityhood mao iyang tumong alang sa first class nga lungsod sa habagatan sa Sugbo isip pamaagi nga makakuha og mas dakong pahat sa Internal Revenue Allotment (IRA), diin magamit sa dugang proyekto ug serbisyo sa publiko.
Ubos sa Republic Act 9009, diin giamendar sa Section 450 sa Local Government Code of 1991, “a municipality or a cluster of barangays may be converted into a component city if it has a locally generated average annual income of at least P100 million for the last two consecutive years based on 2000 constant prices, and either a contiguous territory of at least 100 square kilometers or a population of at least 150,000 inhabitants.”
Ang Minglanilla dunay populasyon nga 151,002, sumala sa talaan sa Philippine Statistics Authority (PSA) sa 2020.
Sa miaging Enero, ang kanhi municipal councilor nga si Enad nibutyag sa SunStar nga ang annual income sa lungsod naa sa P200 million ngadto sa P400 million nga subra na para sa rekisitos nga mahimong siyudad.
Bahin sa 100-hectare Minglanilla Techno Business Park (Ming-Mori) reclamation project, mahimo kining commercial, industrial, residential ug recreational facilities, matod ni Enad nga momugna og dili mominos 70 mil ka trabaho.
Ang groundbreaking sa P20 billion park, diin dunay kaugalingon nga pantalan, gipahigayon sa Oktubre 2021. Ang park gibanabana nga matapos sa 2025.
Ang proyekto gitambayayongan sa kagamhanan sa Minglanilla ug Ming-Mori Development Corp., diin 80 porsiyento gipanag-iya sa Cebu Landmasters Inc.
Matod ni Enad, ang kalamboan sa ekonomiya sa lungsod mas mapatuyok sa reclamation project, lakip sa international port sa lungsod.
“We will undertake to obtain commerciality of our international port,” dugang sa mayor.
Si Enad nagplano sa pagtukod og bag-ong municipal hall.
“Over the past years, we have seen a rapid rise in our population, so much so that we cannot comfortably accommodate all the transacting public in our existing municipal hall. We will build a new government house,” dugang ni Enad.
Sa pagdani sa investors ug locators, si Enad nagkanayon nga ang municipal council mopasar og balaud sa pagpalambo sa business climate sa Minglanilla.
Bahin sa trapik, si Enad niingon nga mo-explore sila sa paggamit sa alternate routes o pagtukod og diversion roads sa pagpaminos sa volume sa sakyanan sa national highway.
Matod niya, mahimo kini sa pagtabang sa representante sa first district sa Sugbo, Rhea Gullas.
Gihisgotan usab niya ang pagpanalipod ug pagpalambo sa kinaiyahan ug nipahibalo sa moratorium sa pag-isyu og bag-ong permits sa quarry.
“Under this administration, we will give them more. We will also help them in their transportation from the mountainous barangays to the market,” matod ni Enad bahin sa isyu sa food security.
Mohatag usab siya og espasyo sa merkado alang sa gitawag nga Bagsakan Center aron kaminosan ang middlemen sa merkado.
Sa edukasyon, mopasiugda og scholarship program alang sa top-performing students sa 19 ka mga barangay sa lungsod.