Nabungkag ang nagbilar sa usa ka haya sa Sitio Kamuning, Barangay Poblacion, lungsod sa Carmen, alas 3:30 sa kaadlawon sa Dominggo, Hulyo 3, tungod sa hubog nga nanghagis ug gipusil ang iyang gikaaway.
Si Bernardo Gibo, 43, minyo, usa ka security guard ug taga Sitio Puti, Barangay Hagnaya, Carmen, gipusasan sa niresponde nga kapulisan.
Nakuhaan siya og usa ka kalibre .45, silencer, ug magazine sa kalibre .45 nga puno sa bala.
Si Police Lt. Jose Dante Talandron, deputy police chief sa Carmen Police Station nga nahinabi sa Superbalita Cebu, naaktuhan nila ang suspek nga isog kaayo ug nagbitbit og armas.
Dihang giduol sa mga pulis, nasurprisa kini ug malinawon nga nitahan .
Gipangita sa suspek ang gikaaway sa alas 8:00 sa gabii sa Sabado apan niingon kini nga siya mopatay.