Tungod sa new normal karon kon diin ang mga adunay trabaho nangita og mas flexible ug komportable nga pagtrabaho uban sa masaligan nga Internet connection, ang Globe uban sa usa ka real estate developer nagkahiusa alang sa moderno nga pagpuyo sa mga batan-ong propesyonal sa Sugbo.
Ang Globe ug ang real estate developer King Properties (KP) dunay koordinasyon nga gihimo subay sa gipaabot nga katurokan sa usa ka proyekto.
Ang The Highline by Avenir usa ka 23 ka andana nga edipisyu o residential building nga gipaabot nga mobarog sa dakbayan sa Mandaue kon diin mo-feature kini og gagmay nga mga lawak o home office nga haom sa pamaagi sa pagpuyo ug schedule sa mga batan-ong propisyonal.
Tungod kay ang maong building gidisenyo alang sa young urban professionals kon diin kasagaran sa ilang trabaho nag-agad sa reliable connectivity o paspas ug stable nga broadband Internet connection, ang usa sa highlight sa maong proyekto ang duha ka tuig nga free fiber-fast broadband service nga ang Globe maoy magsilbi nga Internet provider.
“We believe telecom should be treated as a utility service, similar to power and water, to meet our customers’ demand for faster and more easily accessible Internet...” matod ni Jason King, ang KP President.
Nakig-alayon ang Globe sa mga property developers alang sa paghatag og “true modern living, mas maayo nga kalidad sa kinabuhi, ug makahuluganon nga kasinatian” sa mga kustomer, hilabina nga ang Globe isip usa ka leading digital solutions platform sa nasud nga naninguha nga makahatag og masaligan nga fiber technology ug uban pang digital solutions.
“We are excited over this partnership with King Properties. It is our thrust to help build intelligent communities to ensure that we can serve the ever-changing digital needs of our customers..” sumala ni Michelle Ora, Site Lifecycle Management Services Vice President sa Globe.
Ang unique nga arkitektura ug interior design sa edipisyo gisukipan sa mga sustainable nga konsepto sama sa open roof decks, pocket gardens, integrated water efficiency ug quality monitoring systems nga naghimo niini nga BERDE 4 star-rated project.
Ang BERDE Green Building Rating System usa ka program nga tinguha ang pag assess, sukod ug monitor lakip na pag-certify sa performance sa green projects subay sa environmental laws, regulations ug mandatory standards.
Ang mga opisyal sa Globe nga gipangulohan ni Ora ug Senior Advisor for Broadband Business Danny Theseira ug Globe Property and Site Acquisition Head Bernard Santos nitambong sa groundbreaking ceremony ug ceremonial contract signing uban sa King Properties, real estate arm sa Juanito King and Sons.
Ang maong real state developer nakatukod na og 11 ka properties sa Sugbo ug tibuok Visayas. (PR)