Editoryal: Barangay, SK elections

Editorial Cartoon by John Gilbert Manantan
Editorial Cartoon by John Gilbert Manantan

Gikatakda ang normal cycle matag tulo ka tuig sa eleksiyon sa barangay ug Sangguniang Kabataan (SK) karong Disyembre 5, 2022 human nabalda kini sa makadaghang higayon.

Sumala sa Section 43 (c) of R.A. 7160 o Local Government Code of 1991, “The term of office of barangay officials and members of the sangguniang kabataan shall be for three (3) years, which shall begin after the regular election of barangay officials on the second Monday of May 1994.”

Unang nabalda ang termino sa eleksiyon niadtong 2016 nga gisibog sa 2017 ug gisibog na usab sa 2018, hinuon, nadayon ang eleksiyon sa naasoy nga tuig. Gitakda ang laing eleksiyon sa 2020 apan wa madayon tungod sa pag-abot sa pandemiya sa coronavirus disease 2019 (Covid-19). Kini hinungdan nga dunay mga opisyal sa barangay nalugwayan ang ilang termimo.

Ang eleksiyon sa Disyembre 5 ning tuiga maoy pagbalik o paghiuli sa normal cycle sa piniliay sa barangay subay sa 43 (c) of R.A. 7160 o Local Government Code of 1991. Apan dunay grupo o pundok nga nagduso nga isibog na usab kini.

Si Kongresista Rachel “Cutie” del Mar sa Cebu City North District nipasaka og balaudnon sa pag-postpone sa 2020 barangay ug SK elections. Matod niya, makadugang sa ‘present division’ o pagkabahinbahin sa mga tawo ug ang kalisod mugna sa nagpadayon nga pandemiya.

Kon mahitabo, laing pagkabalda sa sirkulo sa eleksiyon. Malugwayan na usab ang naghupot sa labing ubos nga ang-ang sa kagamhanan - ang barangay. Uyon ba kamo niini?

Sa pikas bahin, namatikda nga nanagpunsisok ang nagparehistro sa mga buhatan sa Commission on Elections (Commission) alang sa naasoy nga eleksiyon sugod sa Lunes, Hulyo 4, 2022. Dili ba kaha nasukwahi sa pulso sa katawhan ang balaudnon ni del Mar? Wa kahay laing nagpaluyo sa iyang pagduso niini?

Maayong mobalik na sa normal ang tanan, lakip sa sirkulo sa eleksiyon sa barangay subay sa balaud.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph